ग्लोबल नेपाली फिल्म अवार्डको पाँचौ संस्करण अमेरिकाको टेक्सस राज्यको ड्यालस सहरमा हुने

ग्लोबल नेपाली फिल्म अवार्डको पाँचौ संस्करण अमेरिकाको टेक्सस राज्यको ड्यालस सहरमा हुने

पाँचौ ‘ग्लोबल फिल्म अवार्ड’ अमेरिकाको टेक्ससमा हुने भएको छ । नेपाली चलचित्र उद्योगलाई अन्तर्राष्ट्रिय रुपमा पहिचान गराउँदै सम्पूर्ण चलचित्रकर्मीहरुको प्रोत्साहन र सम्मानको उद्देश्यसहित सन् २०१६ बाट सुरु भएको ‘ग्लोबल नेपाली फिल्म अवार्डु को पाँचौ संस्करण अमेरिकाको टेक्सस राज्यको ड्यालस सहरमा हुने भएको हो ।

नेपाल फिल्म सोसाइटी, ग्लोबल नेपाली फिल्म अवार्ड एलएलसी अमेरिका र एसोसियसन अफ नेप्लीज इन द अमेरिकाज् (एएनए) को संयुक्त आयोजनामा सन् २०२२ जुलाई ३ तारिखमा आयोजना हुनेछ।
यसअघिका चारवटै संस्करणहरु अमेरिकाका विभिन्न राज्यमा भएका थिए । सन् २०१६, २०१७ र २०१८ मा कोलोराडोको डेनभर सहरमा साथै २०१९ मा क्यालिफोर्नियाको सान्सफ्रान्ससिस्कोमा अवार्ड सम्पन्न भएका थिए ।

विश्वमहामारीको रुपमा फैलिएको कोभिड–१९ को कारण सन् २०२० र २०२१ मा अवार्ड आयोजना हुन सकेको थिएन ।
अवार्डको पाँचौ संस्करणलाई ‘एएी एभरेष्ट इन्स्यूरेन्स’ले प्रायोजन गरेको आयोकले जारी गरेको विज्ञप्तिमा उल्लेख छ ।

आयोजक संस्था ग्लोबल नेपाली फिल्म अवार्ड एलएलसी अमेरिकाका अध्यक्ष नवराज श्रेष्ठले नेपाललाई फिल्म टुरिजमको हब बनाउन अवार्डको मुख्य उद्धेश्य रहेको बताए ।
चाँडै अवार्डका लागि छनोट समिति गठन हुने बताइएको छ ।