सानो बालक सहित छ जना चोर प्रहरीको हिरासतमा

बुटवलमा कोभिड खोप लगाउन अनलाइन फारम

कोरोना उपचारमा खटिने स्वास्थ्यकर्मीलाई ५० प्रतिशत प्रोत्साहन भत्ता

Share This
  •  
  •  
  •  
  •  
  •  
  •  
  •  
  •  
कोरोना उपचारमा खटिने स्वास्थ्यकर्मीलाई ५० प्रतिशत प्रोत्साहन भत्ता

लुम्बिनी प्रदेश सरकारले कोभिड–१९ को उपचारमा खटिने स्वास्थ्यकर्मीलाई सुरुको तलब स्केलमा ५० प्रतिशत प्रोत्साहन भत्ता दिने व्यवस्था गरेको छ ।

लुम्बिनी प्रदेशसभामा आगामी वर्षको बजेट सार्वजनिक गर्दै आर्थिक मामिला तथा योजना मन्त्री बैजनाथ चौधरीले स्वास्थ्यकर्मीलाई सुरुको तलब स्केलमा ५० प्रतिशत प्रोत्साहन भत्ता दिने व्यवस्था मिलाएको बताए ।

बजेट सार्वजनिक गर्दै उनले जिल्लास्तरका सरकारी अस्पतालमा अक्सिजन प्लान्ट बनाउने, कोभिड बिरामीको निःशुल्क उपचार गर्ने र स्तरीकरणका लागि बजेट विनियोजन गरिएको बताए ।

आर्थिक मन्त्री चौधरीले कोभिड–१९ को उपचारमा खटिने लुम्बिनी प्रदेशका चार कोभिड उपचार अस्पताललाई प्रयाप्त बजेट विनियोजन गरिएको बताए ।

बजेटमा लुम्बिनी प्रादेशिक अस्पताललाई उच्च विशिष्टिकृत सुविधासहितको अस्पतालमा स्तरोन्नति गर्न २५ करोड रकम विनियोजन गरिएको छ ।

डिपिआर सम्पन्न भएका अस्पताललाई आगामी आर्थिक वर्षमा निर्माण सुरु गर्न आवश्यक बजेट विनियोजन गरेको मन्त्री चौधरीले बताए ।