बुटवलमा कोभिड खोप लगाउन अनलाइन फारम

नर्भिकमा असार २८ देखि जेनेटिक ल्याबसहितको आईभीएफ सेन्टर सञ्चालनमा आउने

Share This
  •  
  •  
  •  
  •  
  •  
  •  
  •  
  •  
नर्भिकमा असार २८ देखि जेनेटिक ल्याबसहितको आईभीएफ सेन्टर सञ्चालनमा आउने

थापाथलीस्थित नर्भिक इन्टरनेसनल हस्पिटलले असार २८ गतेदेखि अत्याधुनिक सुविधा तथा प्रविधिसहित नेपालमै पहिलो जेनेटिक ल्याबसहितको आईभीएफ एन्ड फर्टिलिटि सेन्टर सञ्चालनमा ल्याउने भएको छ।

विभिन्न कारणले सन्तान नभएकाहरुका लागि आधुनिक प्रविधि र उपकरणले सुसज्जित नर्भिक आईभीएफ एन्ड फर्टिलिटी सेन्टर सञ्चालन हुन लागेको हो।

चर्चित वरिष्ठ स्त्री रोग तथा टेस्टट्युब बेबी विशेषज्ञ एवम् ल्याप्रोस्कोपिक सर्जन डा। नूतन शर्मा नेतृत्वको टिमले नर्भिक आईभीएफ एन्ड फर्टिलिटी सेन्टरबाट सेवा प्रवाह गर्नेछ।

डा. शर्माका अनुसार नर्भिक अस्पतालको आईभीएफ एन्ड फर्टिलिटी सेन्टर नेपालका अस्पतालहरुमध्येकै अत्याधुनिक एवं सुविधायुक्त हुनेछ। विश्वमा पछिल्लो समय अभ्यासमा आएका अत्याधुनिक उपकरण तथा प्रविधिहरुको प्रयोग गरी स्तरीय सेवा दिने तयारी अन्तिम चरणमा पुगेको डा.शर्माले जानकारी दिइन्।

यो सेन्टरमा वंशाणुगत रोगको पहिचान गर्ने प्रि–जेनेटिक डाइग्नोसिस सेवासहितको ल्याबसमेत सञ्चालन हुनेछ। नेपालमा हालसम्म कुनै पनि आईभीएफ सेन्टरमा प्रि–जेनेटिक डाइग्नोसिस सेवा उपलब्ध छैन।

प्रि–जेनेटिक डाइग्नोसिसमार्फत स्वस्थ भू्रणको अवस्था पहिचान गरी गर्भाधारण गराउने गरिन्छ। जसका कारण भविष्यमा जन्मिने बच्चाहरुमा हुनसक्ने विभिन्न खाले वंशाणुगत रोगको जोखिम निराकरण गर्न सहयोग पुग्नेछ।

डा.शर्माले विगत १५ वर्षदेखि काठमाण्डौका विभिन्न अस्पतालसँग आबद्ध रहेर स्त्री रोग तथा बाँझोपनको समस्या रहेका सयौँ बिरामीलाई सेवा दिइसकेकी छन्।

नर्भिकको यो सेन्टरमा आधुनिक सुविधासहित स्त्रीरोग, प्रसूति सेवाका साथै। दम्पतीहरुका लागि उपचार सेवा उपलब्ध हुनेछ।

परिवर्तित जीवनशैली, वातावरणीय अवस्था र बढ्दो तनावलगायतका कारणले अधिकांश महिलामा बाँझोपन अर्थात निःसन्तानसम्बन्धी समस्या विकराल बन्दै गएको छ।

बढ्दो उमेर, ढिलो विवाह, धूमपान तथा मादक पदार्थको सेवन, यौनसम्बन्धी रोग, पाठेघरको संक्रमण, असुरक्षित गर्भपतन, महिनावारी रोक्ने औषधिको अधिक सेवन, लामो समयसम्म गर्भनिरोधक अस्थायी साधनको प्रयोग, अधिक मोटोेपन, सुगर तथा थाइराइडको समस्यालगायतका कारणले पनि महिलाहरुमा बाँझोपन हुने अध्ययनहरुले देखाएका छन्।