प्रधानमन्त्री दाहाललाई विश्वासको मत नदिन एमालेद्वारा ह्विप जारी

नेकपा एमालेले प्रधानमन्त्री पुष्पकमल दाहाल ‘प्रचण्ड’ ले पर्सि शुक्रबार लिन गइरहेको विश्वासको मतका लागि प्रधानमन्त्रीले राख्ने प्रस्तावको विपक्षमा मत दिन ह्विप जारी गरेको छ ।

एमाले प्रमुख सचेतक महेश बर्तौलाले प्रधानमन्त्रीले राख्ने प्रस्तावको विपक्षमा मत दिन आफ्ना सांसदहरूलाई ह्वीप जारी गरेका हुन् । नेपाली कांग्रेस र एमालेले सत्ता सहकार्य गर्ने समझदारी गरेपछि एमाले सरकारबाट बाहिरिइसकेको छ ।

सरकारमा सहभागी दल बाहिरिएको अवस्थामा प्रधानमन्त्रीले ३० दिनभित्र विश्वासको मत लिनुपर्ने संवैधानिक प्रावधान छ ।

नेपाली कांग्रेस र एमालेले सरकार अल्पमतमा परिसकेको भन्दै राजीनामा दिन प्रधानमन्त्री दाहाललाई भने पनि उनले विश्वासको मतमा जाने अडान लिइराखेका छन् ।

+